La llingua l'axedrez

Campeón d’Asturies por Equipos 2008/2009
Universidá d’Uviéu.

1ª división.

L’Universidá d’Uviéu coronóse como campeón d’Asturies por equipos, yérenlo yá na penúltima xornada al sacá-y al persiguidor, el R.G.C.C., más d’8 puntos, col que s’enfrentaría na xornada cabera, imponiéndose tamién por un cómodu 5,5-2,5.

L’equipu universitariu fo implacable énte tolos sos rivales, sacándo-yos 7 puntos a cuasi tolos conxuntos, inclusive los más potentes como l’Oviedo 93, el Siero o’l CTD Ciudad Naranco, daqué que nun fizo’l R.G.C.C. qu’igualó al Universidá d’Uviéu nel restu d’enfrentamientos pero nun supo dominar y sacar p’alantre les rondes contra estos 3 clubes consiguiendo 4, 4,5 y 4,5 puntos respeutivamente.

Pela zona alta nun hubo sorpreses, 3u’l CTD Ciudad Naranco, que fizo un gran añu ensin Marcos Llaneza, superando la marca del pasáu añu gracies a la so bona llabor de cantera con xugadores como Carlos Suárez y Jaime Santos Latasa, na élite asturiana con namái 12 años, 4u fo’l Siero, un equipu regular y potente que nun tuvo problemes énte equipos inferiores gracies al gran potencial de los sos 3 primeros xugadores, Manuel Quidiello, Luís Javier Vigil y Rafael Arruabarrena y 5u l’Oviedo 93, que tres un entamu preocupante supo remontar bien y tuvo a puntu de consiguir metese nel podium con un gran añu de Jesús Ángel Lobo y Marcelino Vega y gracies tamién a la reincorporación del M.F. Ignacio Bajo y a los xugadores de cantera.

Na zona sele tuvieron 6u l’Ensidesa, que col inagotable M.F. San Claudio al frente, nun pasó apuros y tuvieron un papel destacáu, más perbaxu quedó 7u’l Grupo 64, que notó a esgaya les baxes respeuto a otros años pero supieron imponese a quienes debíen pa nun pasar por problemes finales.

La zona baxa ocupáronla de nuevu 8u’l C.A.O. que pasó por problemes abondos y tuvo a puntu descender, pero gracies a les 2 rondes caberes, nes que presentaron al equipu titular, consiguieron iguar la situación, lo mesmu pue dicise del Mieres del Camín qu’acabó 9u sufriendo, yá que tuvo qu’enfrentase al Siero na xornada cabera, pero presentando tol potencial del que disponíen, consiguieron un agónicu pero pervaliosu 4-4 frente a un equipu punteru.

El descensu esti añu fo pa El Entrego que concluyó 10u, paecía un bon añu, alcontrábense daqué lloñe del descensu a falta 2 xornaes, pero tuvo que medise a Ensidesa y Oviedo 93 darréu, consiguiendo pocos puntos y descendiendo finalmente, l’undécimu puestu ocupólo’l Torre de Gauzón, tola temporada nos puestos de descensu acabaron pasando factura y n’última posición quedó’l Gradense, que poco pudo facer y nes caberes xornaes tuvo incomparecencies.

2ª división.

Gran añu del Antonio Rico y del Pablo Morán, que nun toparon rival y l’añu que vien militarán na máxima categoría asturiana, honor que tamién tendrá l’Alfil, que supo recuperase del mal añu pasáu.

Bon añu pa los filiales del CTD Ciudad Naranco, Oviedo 93 y Universidá d’Uviéu, que nun pasaron problemes pa mantenese, terminando nos puestos altos de la categoría.

Más probe fo l’añu pa l’Atenéu Obreru y l’Atenéu Obreru 1881, que nun arrancaron en tola temporada, acabando na zona baxa a pesar de tener bon potencial.

Descienden el R.G.C.C. «B» que termina un pésimu añu pese a contar con grandes xugadores, el Centro Asturiano de la Habana, que nun supo adautase a la categoría, l’Atenéu Obreru de Villaviciosa, que fizo un probe papel y el Candás, últimu distanciáu como sorpresa negativa.

3ª división.

Grupu «A».

L’Al Paso paseóse pela categoría, firmando l’ascensu a falta delles xornaes pa finalizar, dándo-y descansu a los titulares a falta 4 xornaes y quedando a mediu puntu d’igualar el record de la categoría, acompanga a esti club a 2ª l’Antonio Rico «B» que partía con un gran potencial y demostrólo asina.

La zona alta ocupáronla l’Atenéu Obreru «B» y el Valdesva «B», que firmaron un bon añu.

Los filiales «C» quedaron mui igualaos ente si, Universidá d’Uviéu, Oviedo 93 y CTD Ciudad Naranco nun pasaron apuros y acabaron en posiciones cómodes, lo mesmu que l’Alfil «B».

La zona baxa fo ocupada por La Petrina pero supo aprovechar el so meyor potencial respeuto al restu de colistes.

L’Atenéu Obreru 1881 «B» consiguió in extremis la permanencia al firmar un 5-1 frente al Llanera, al que-y servía consiguir 1,5 puntos pa mantenese, una llástima yá que ficieron un papel mui dignu, desciende tamién l’Atenéu Obreru de Villaviciosa «B» que fizo un añu paupérrimu ensin cuasi puntuar.

Grupu «B».

Un final d’infartu podría dicise que fo lo que vivió esti grupu gracies a la escasa diferencia ente los equipos con aspiraciones d’ascensu, 5 equipos en mediu puntu diferencia, al final la suerte corrió xuntu al Ensidesa «B» y al Centro Asturiano de Avilés, que superaron a unos mui dignos Siero «B», San Juan Bautista y Valdesva.

La zona media ocupáronla’l Pablo Morán «B», El Entrego «B», el Mieres del Camín «B» y el Torre de Gauzón «B», que nun tuvieron un papel mui destacáu esti añu.

La zona baxa fo pa la O.N.C.E. que llibráronse del descensu na xornada cabera gracies a un bon resultáu y al tropiezu del Alfil «C» qu’acompangará al Candás «B» a la 4ª categoría l’añu que vien.

4ª división.

Gran añu del Ensidesa «C» qu’asciende invictu xuntu al Torre de Llanes, que fizo un gran añu, l’Ensidesa «D» que fo la gran sorpresa y el Siero «C» pese a que l’Oviedo 93 «D» terminara 1 puestu penriba pero debíu a una incomparecencia’l desempate favorez a los de Siero. Llaceriosu añu del Grupo 64 «B» que disponía de potencial suficiente pa ser llíder.

La categoría contó con 7 equipos más que l’añu pasáu como’l Torre de Llanes y l’Ochobre, síntoma de bona salú pa l’axedrez asturianu.

Clasificaciones:
1ª: 8 xugadores por equipu.
2ª: 8 xugadores por equipu.
3ª: «A» y «B» 6 xugadores por equipu.
4ª: 4 xugadores por equipu ( sistema suizu a 8 rondes ).
Azul: Equipos campeones y qu’ascienden.
Roxu: Equipos que descienden.

1ª división.

Puestu	Equipu	Puntos	G-E-P
1u	Universidá d’Uviéu	75	11-0-0
2u	R. G. C. C.	63,5	9-1-1
3u	CTD Ciudad Naranco	54,5	8-0-3
4u	Siero	51,5	7-2-2
5u	Oviedo 93	50	6-2-3
6u	Ensidesa	47	6-0-5
7u	Grupo 64	41,5	5-0-6
8u	C. A. O.	33	3-1-7
9u	Mieres del Camín	33	1-4-6
10u	El Entrego	30,5	2-2-7
11u	Torre de Gauzón	27,5	0-1-10
12u	Gradense	21	1-1-9

2ª división.

Puestu	Equipu	Puntos	G-E-P
1u	Antonio Rico	65	9-0-2
2u	Pablo Morán	63	11-0-0
3u	CTD Ciudad Naranco «B»	54,5	7-2-2
4u	Alfil	51,5	7-1-3
5u	Oviedo 93 «B»	48	4-2-5
6u	Universidá d’Uviéu «B»	47,5	5-1-5
7u	Atenéu Obreru	44,5	6-0-5
8u	Atenéu Obreru 1881	44	5-1-5
9u	R. G. C. C. «B»	35	3-1-7
10u	C. A. de la Habana	33,5	2-1-8
11u	A. O. de Villaviciosa	25,5	1-1-9
12u	Candás	18	1-0-10

3ª división, Grupu «A».

Puestu	Equipu	Puntos	G-E-P
1u	Al Paso	51	9-0-2
2u	Antonio Rico «B»	45,5	9-1-1
3u	Atenéu Obreru «B»	41	7-2-2
4u	Valdesva «B»	38	6-2-3
5u	Universidá d’Uviéu «C»	35	7-0-4
6u	Alfil «B»	35	5-1-5
7u	Oviedo 93 «C»	34,5	5-0-6
8u	CTD Ciudad Naranco «C»	33	4-1-6
9u	La Petrina	29,5	4-1-6
10u	Atenéu Obreru 1881 «B»	22,5	2-1-8
11u	Llanera	22,5	3-1-7
12u	A. O. de Villaviciosa «B»	8,5	0-0-11

3ª división, Grupu «B».

Puestu	Equipu	Puntos	G-E-P
1u	Ensidesa «B»	45	8-1-2
2u	C. A. de Avilés	44	8-2-1
3u	Siero «B»	44	8-3-0
4u	San Juan Bautista	43,5	9-1-1
5u	Valdesva	41,5	6-1-4
6u	Pablo Morán «B»	30,5	5-0-6
7u	El Entrego «B»	30	2-2-7
8u	Mieres del Camín «B»	29	5-1-5
9u	Torre de Gauzón «B»	26,5	3-2-6
10u	O. N. C. E.	25,5	2-1-8
11u	Alfil «C»	21,5	2-0-9
12u	Candás «B»	14	1-0-10

4ª división.

Puestu	Equipu	Puntos	G-E-P
1u	Ensidesa «C»	14	6-2-0
2u	Torre de Llanes	12	5-2-1
3u	Ensidesa «D»	11	5-1-2
4u	Oviedo 93 «D»	11	5-1-2
5u	Siero «C»	11	5-1-2
6u	Grupo 64 «B»	10	3-4-1
7u	Torre de Gauzón «C»	10	5-0-3
8u	CTD Ciudad Naranco «D»	9	4-1-3
9u	R. G. C. C. «D»	9	3-3-2
10u	Atenéu Obreru «D»	9	3-3-2
11u	Mieres del Camín «D»	8	3-2-3
12u	R. G. C. C. «C»	8	4-0-4
13u	C. A. O. «B»	8	4-0-4
14u	C. A. de la Habana «B»	8	4-0-4
15u	Atenéu Obreru «C»	7	3-1-4
16u	Alfil «D»	6	2-2-4
17u	Ochobre	6	2-2-4
18u	Trebejos Sur Gijón	6	3-0-5
19u	Mieres del Camín «C»	6	3-0-5
20u	Atenéu Obreru 1881 «C»	4	1-2-5
21u	R. G. C. C. «E»	3	1-1-6

Semeya del equipu campeón: Universidá d’Uviéu.

Problemes I.

Déxovos dellos problemes d’axedrez, toos ellos ocurrieron en partíes míes, dalgunos vilos, otros non nel molentu, pa los que-yos cueste más daré una pista darréu la imaxe y la solución podrá descubrise pinchando col punteru l’espaciu en blancu.
Cada problema tien un nivel de dificultá ( 1 mínimu - 5 máximu ).

Problema 1.

Blanques	Javier García Álvarez, Elo: 1.883, Club: Oviedo 93
Prietes	David Gallinar Cañedo, Elo: 0, Club: Oviedo 93
Datos	25/VII/2008, III Open Internacional d’Uviéu. Xueguen prietes y ganen. ( Nivel 2 )

Pista	Combinación de pieces que dan mate en 4.
Solución	1.Th5 Th2, 2.Txh2 Rxh2, 3.Dh5+ Rg1, 4.Dh1#

Problema 2.

Blanques	David Gallinar Cañedo, Elo: 0, Club: Oviedo 93
Datos	3/IX/2008, Open Santísimu Cristu de Candás. Xueguen blanques y ganen. ( Nivel 2 )

Pista	Les blanques ganen pieza tres grave amenaza.
Solución	1.Db3+ Rh8, 2.De6 Cb6, 3.Dxb6

Problema 3.

Blanques	Luís Balboa López, Elo: 1.619 F.E.D.A., Club: Valdesva
Prietes	David Gallinar Cañedo: Elo: 1.774, Club: Oviedo 93
Datos	4/X/2008, Campeonatu d’Asturies por equipos de 3ª. Xueguen prietes y ganen. ( Nivel 3 )

Pista	Obtiense material de más decisivu.
Solución	1.Axc5 bxc5, 2.Txd4 Cxd4

Problema 4.

Blanques	David Gallinar Cañedo: Elo: 1.774, Club: Oviedo 93
Prietes	José Carlos Fernández Campos, Elo: 2.009, Club: Alfil
Datos	8/XI/2008, Campeonatu d’Asturies por equipos de 2ª. Xueguen blanques y ganen ( Nivel 4 )

Pista	Gánase una pieza llimpia.
Solución	1.Axe4 dxe4, 2.Axe5 Axe5, 3.Txc4 bxc4, 4.Dxb7

Problema 5.

Blanques	David Gallinar Cañedo: Elo: 1.774, Club: Oviedo 93
Prietes	Julio Garralón Torres, Elo: 1.683, Club: Ateneo 1.881
Datos	29/XI/2008, Campeonatu d’Asturies por equipos de 3ª. Xueguen blanques y ganen ( Nivel 1 )

Pista	Amplíase la ventaya, material y posicional.
Solución	1.Axc7. Si Rxc7, 2.Ad5+. Si Tc8, 2.Ab5+ Ac6, 3.Axc6 Rxc7, 4.Af3+