Alministra'l to Blog

¡Crea'l to Blog yá! Fácil y de baldre

La llingua del axedrez
Siente l'axedrez na to llingua nesti requexu la rede.

12/09/2009 GMT 1

Partida comentada Nu6

asturianu @ 23:20

La Partida del IX Open Internacional de Xixón.

Blanques: Javier García Álvarez, Elo: 1.873, Club: Oviedo 93
Prietes: David Gallinar Cañedo, Elo: 1.774, Club: Oviedo 93

Xugaes:
1. f4 c5
2. Cf3 Cc6
3. e3 Cf6
4. c3 d5
5. d4 b6
6. Ad3 g6
7. 0-0 Ag7
8. Cbd2 0-0
9. Ce5 Ab7
10. Cdf3 Cd7?!
11. Cg5 cxd4
12. exd4 a5?!
13. Df3 Cdxe5
14.fxe5 Dc8
15. Dg3 Aa6
16. Tf4? Axd3
17. Dxd3 Cd8
18. Th4 h6
19. Cf3 h5
20. Txh5!? gxh5
21. Cg5 f5
22. exf6 Txf6
23. Dh7+ Rf8
24. Dxh5 Tf5?!
25. Ch7+? Rg8
26. Cg5 Cf7?
27. g4?? Tf6
28. Ch7 Te6
29. Ad3 Te4
30. h3 De6
31. Tf1 Te2
32. g5?? Txd2
33. g6 De3+
34. Rh1 De4+
35. Df3 Dxf3+
36. Txf3 Cd6
37. Te3 Ce4
38. Tf3 Tf2
39. Te3 Txb2
40. c4?! Axd4
41. Tf3 Tf2
42. Td3 Td2
43. Tf3 Cf2+
44. Rg2 Cg4+
45. Rg3 Cf6
46. Cg5 Ae5+
47. Rh4 Tc8?!
48. Ce6 Txc4+
49. Rg5 Tg2+
50. Rf5 Ag3
51. Cd8 Tf2
RINDE. 0-1.

Posición tres la xugada Nu19 de les prietes ( h5 )

1.f4 c5, 2.Cf3 Cc6, 3.e3 Cf6, 4.c3 d5, 5.d4 b6, 6.Ad3 g6, 7.0-0 Ag7, 8.Cbd2 0-0, 9.Ce5 Ab7, 10.Cdf3 Cd7?!

Más precisu yera Ce4, aprovechando'l control sobro la casiella y potenciando al caballu.

11.Cg5 cxd4, 12.exd4 a5?!

Un perda tiempu que permite a les blanques controlar la situación.

13.Df3 Cdxe5, 14.fxe5 Dc8, 15.Dg3 Aa6, 16.Tf4? Axd3

Tf4? pierde tol puxu, con 16.Axa6 Dxa6, 17.Ad2 les blanques consiguiríen coordinar meyor les sos pieces.

17.Dxd3 Cd8, 18.Th4 h6, 19.Cf3 h5, 20.Txh5!?

Interesante sacrificiu con llinia forzada

20....gxh5, 21.Cg5 f5, 22.exf6 Txf6, 23.Dh7+ Rf8, 24.Dxh5 Tf5?!

Les prietes tienen torre de menos, pero l'ataque ye importante, lo meyor nesti casu yera entregar la torre pol caballu y xugar el final con pieza por dos peones con 24....Dd7, 25.Ch7+ Rg8, 26.Cxf6 exf6, 27.Ad2 Cf7, 28.Tf1

25.Ch7+?

25.g4! enzarraba la torre y aumentaba l'ataque

25....Rg8, 26.Cg5 Cf7?

Error col que les blanques podíen iguar la situación tres 27.Dh7+ Rf8, 28.Cxf7 Txf7, 29.Ah6! Re8, 30.Axg7 Df5, 31.Dxf5 Txf5, les blanques con calidá de menos pero con dos peones pasaos nel flancu rei peligrosos a esgaya.

27.g4??

Error definitivu yá que les blanques queden perdíes tres...

27....Tf6, 28.Ch7 Te6. 29.Ad2 Te4, 30.h3 De6, 31.Tf1 Te2, 32.g5?? Txd2

Les blanques nun alcuentren defensa y la entrega del alfil namái empeora la situación, agora ye un trámite fasta'l final.

33.g6 De3+, 34.Rh1 De4+, 35.Df3 Dxf3+, 36.Txf3 Cd6, 37.Te3 Ce4, 38.Tf3 Tf2, 39.Te3 Txb2, 40.c4?! Axd4, 41.Tf3 Tf2, 42.Td3 Td2, 43.Tf3 Cf2+, 44.Rg2 Cg4+, 45.Rg3 Cf6, 46.Cg5 Ae5+, 47.Rh4 Tc8?!, 48.Ce6 Txc4+, 49.Rg5 Tg2+, 50.Rf5 Ag3, 51.Cd8 Tf2 RINDE

Podría resumise tou con que si perdones, pagues darréu.

11/08/2009 GMT 1

Partida comentada Nu5

asturianu @ 14:49

La Partida del XXVII Open Int. d'Andorra.

Blanques: David Gallinar Cañedo, Elo: 1.774, Club: Oviedo 93
Prietes: Antoni Pampliega Canturri, Elo: 1.935, Club: Cataluña

Xugaes:
1. c4 e5
2. g3 Cc6
3. Ag2 d6
4. Cc3 Cf6
5. d3 Ae7
6. Cf3 h6
7. 0-0 0-0
8. a3 a6?!
9. b4 Tb8
10. Cd2 Ag4
11. h3 Ah5
12. Te1 Cd4
13. Cb3 Dd7
14. Cxd4 exd4
15. Cd5 Tfe8?!
16. Dc2?! Cxd5
17. cxd5 Tbc8
18. Ab2 Af6
19. g4 Ag6
20. Dc4 b5
21. Dc6 Dxc6
22. dxc6 Te7
23. a4 Tce8
24. axb5 axb5
25. Rf1 Ag5
26. Tad1 Af6
27. Ta1 h5?
28. Af3 h4
29. Ted1 Ae5
30. Ta7 f5
31. Tb7 Tf8
32. Txb5 fxg4
33. Axg4 Ae8
34. Af3 Txf3!
35. exf3 Axc6
36. Tb8+ Rh7
37. f4 Af6?!
38. b5 Af3
39. Td2 Ad5
40. b6 cxb6
41. Txb6 Ae6
42. Rg2 Ad5
43. Rf1 Ae6
44. Txd6 Axh3+
45. Rg1 Td7
46. Aa3 Rg6
47. Rh2 Af5
48. Txd7 Axd7
49. Ad6 Rh5
50. f3 Ac6
51. Tf2 Ab5
52. Ae5!? Axd3
53. Axf6 gxf6
54. Td2 Ab1?
55. Txd4 f5??
56. Td8 Rg6
57. Rh3 Rf6
58. Rxh4 Rf6
59. Rg5 Ac2
60. Te8+ Rf7
61. Te5 Rg7
62. Txf5 Axf5
63. Rxf5 Rf7
64. Rg5 Rg7
65. f5 Rf7
66. f6
RINDE. 1-0.

Posición tres la xugada Nu34 de les blanques ( Af3 )

1.c4 e5, 2.g3 Cc6, 3.Ag2 d6, 4.Cc3 Cf6, 5.d3 Ae7

Equí les prietes suelen siguir con g6 yá que la casiella g7 ye más productiva pal alfil de rei.

6.Cf3 h6, 7.0-0 0-0, 8.a3 a6?!

Una xugada poco productiva, con Ae6 siguiríase col desendolcu natural de les pieces

9.b4 Tb8, 10.Cd2 Ag4, 11.h3 Ah5, 12.Te1 Cd4, 13.Cb3 Dd7, 14.Cxd4 exd4, 15.Cd5 Tfe8, 16.Dc2?! Cxd5

Xugando 16.Cf4 les blanques consiguiríen ventaya yá que darréu siguiría'l cambéu del bon alfil blancu, privando de la pareya d'alfiles a les prietes dexándoles con una probe estructura de peones.

17.cxd5 Tbc8, 18.Ab2 Af6, 19.g4 Ag6, 20.Dc4 b5, 21.Dc6 Dxc6, 22.dxc6 Te7, 23.a4 Tce8, 24.axb5 axb5

Txe2?? sería un error fatal pa les prietes tres 25.Txe2 Txe2, 26.axb6

25.Rf1 Af5

Agora si valdría Txe2, colo que siguiría 26.Txe2 Axd3, 27Af3 les blanques tienen meyor xuegu y más opciones que les prietes.

26.Tad1 Af6, 27.Ta1 h5?

Una xugada que namái pue traer problemes a la estructura prieta.

28.Af3 h4, 29.Tad1 Ae5, 30.Ta7 f5, 31.Tb7 Tf8

Equí paez más fuerte pa blanques Tea1, túvela en cuenta pero Tb8 ye fuerte tamién.

32.Txb5 fxg4, 33.Axg4 Ae8, 34.Af3 Txf3!

Esllumante entrega de calidá, mui compensada pol activu contraxuegu de la pareya d'alfiles, ensin dubia la meyor alternativa pa les prietes, les blanques pudieron evitalo con 34.Tc1, calteniendo la ventaya abonda.

35.exf3 Axc6, 36.Tb8+ Rh7, 37.f4 Af6?!

Equí lo óptimu yera Axf4 yá que tres Axd4 siguiría Af3, faciendo dañu a esgaya a la floxa estructura blanca.

38.b5 Af3, 39.Td2 Ad5, 40.b6 cxb6, 41.Txb6 Ae6

Agora les blanques tomen el control nuevamente al francer la estructura prieta tamién.

42.Rg2 Ad5+, 43.Rf1 Ae6

Les blanques teníen equí 43.f3, vilo pero nun consideré más la xugada tres Te3 colo que paecíame que les prietes teníen un activu contraxuegu, pero lloñe de la realidá tres Rg1 éntrase nuna combinación táctica perinteresante, 44.Txd6 Axf3+, 45.Rg1 Aa8, 46.Axd4 Txh3, 47.Axf6 Th1+, 48.R2 Th2, 49.Re3 Txe2, 50.Rxe2 h3!, 51.Ag7 Rxg7, 52.Td7+ Rg6, 53.f5+ Rxf5, 54.Th7 Rg4, 55.Re3, y el final esti paez tables.

44.Txd6 Axh3+, 45.Rg1 Td7, 46.Aa3 Rg6

Pa blanques yera meyor Txd7 aforrando problemes y pa prietes Ta7, incomodando.

47.Rh2 Af5, 48.Txd7 Axd7, 49.Ad6 Rh5, 50.f3 Ac6, 51.Tf2 Ab5, 52.Ae5!? Axd3

Xugada interesante pa blanques, agora simplifícase la posición en favor de les blanques ensin compensación pa prietes.

53.Axf6 gxf6, 54.Td2 Ab1?

Xugada floxa que permite ganar tiempos a les blanques, muncho meyor yera Af5, 55.Txd4 Rg6 y les blanques tienen que demostrar que pue ganase el final esti inda paez que les prietes consiguen formar una fortaleza y por ende forzar les tables.

55.Txd4 f5??

Xugada fatal que namái consigue zarrá-y el pasu al alfil, agora les blanques dispónense a ganar, nesti momentu la única xugada pa tentar de formar la fortaleza ye Af5, qu'entá paez qu'aguanta la situación.

56.Td8 Rg6, 57.Rh3 Rf6, 58.Rxh4 Re6, 59.Rg5 Ac2, 60.Te8+ Rf7, 61.Te5+ Rg7, 62.Txf5 Axf5, 63.Rxf5 Rf7, 64.Rg5 Rg7, 65.f5 Rf7, 66.f6 RINDE

Les prietes tres aguantar tolos ataques blancos cavaron la so propia tumba.

27/07/2009 GMT 1

XXVII Abiertu d'Axedrez d'Andorra

asturianu @ 17:44

XXVII Abiertu Internacional d'axedrez d'Andorra.

Del 18 al 26 de xunetu disputose na comuna de la Massana, Andorra, el XXVII Abiertu Internacional d'axedrez del país que cuntó cola presencia de 160 participantes de 21 países, 4 d'ellos asturianos amestándome ente ellos de los cuales fadré valoración a parte.A la folixa del axedrez hai que sumá-y les grandes propuestes d'ociu y turismu de natura y mercáu y les bones instalaciones del hotel, siendo la sala xuegu exemplar pa cualquier otru campeonatu.El tornéu duró 9 díes, tocando a 1 ronda diaria con partíes de 90 minutos + 30 segundos por xugada realizada y un bonus de 30 minutos más al algamar la 40ª xugada, siendo esti'l sistema a emplegar nel futuru en tolos campeonatos d'altu nivel.

Toles rondes foron reñíes, mayestros y aficionaos demostraron un gran nivel y cada ronda los puntos taben más caros, al final la victoria fo pal G.M. francés de 18 años Edouard Romain con 7,5 puntos sobro los 9 totales, el meyor llocal fo'l G.M. Óscar de la Riva y la 1ª muyer fo l'actual campeona d'España, la WGM Sabrina Vega.

Los asturianos tuvieron actuaciones dispares.
Manuel Rogelio Quidiello fo'l 1u acabando con 5,5 puntos nel puestu 41, lo que-y sirvió pa sumar 14,6 puntos Elo, siendo 3u na so franxa (2.100-2.249), meyoró 15 puestos el so ranking inicial, pela mio parte acabé 82u con 4,5 puntos, quedando campeón de franxa (1.700-1.849), consiguiendo con ello 26 puntos d'Elo y meyorando en 42 puestos el ranking d'entamu, 3u quedó José Antonio Lloveras con 4 puntos nel puestu 103u, lo que-y aporta 9 puntos Elo meyorando el so ranking en 20 puestos quedando 3u na mesma franxa que yo, 4u acabó Hilario Gómez con 3,5 puntos, acabando mal un campeonatu que pudo ser meyor.

Clasificación final:
http://chess-results.com/tnr23864.aspx?art=1&rd=9&lan=2&m=-1&wi=1000&zeilen=99999

Blanques: I.M. Alexandre Nascimento. Prietes: Yo (½-½).

Reportaxe de la TV d'Andorra.

08/07/2009 GMT 1

Kaspárov - Kárpov

asturianu @ 01:28

Kaspárov - Kárpov.

Anatoli Kárpov y Garry Kaspárov, lleendes del axedrez y cuasi con total seguridá los 2 meyores xugadores de la hestoria, tuvieron la mayor rivalidá vivida en cualquier deporte. Ente los sos llogros destaquen los 170 torneos nos que venció Kárpov, record y cifra cuasi imposible d'algamar nos díes que cuerren y el record d'años consecutivos como campeón de Garry Kaspárov y la so marca de 2.851 puntos Elo, puntuación a la qu'entá naide fo a arrimase.

Al comienzu de los 80 Kárpov representaba al antiguu réxime, más veteranu y campeón del mundiu, Kaspárov, más mozu, yera un revolucionariu y l'alternativa a la corona mundial, esti fo'l momentu onde la lleenda entamó a fraguase con lletres d'oru.

Kárpov y Kaspárov nos años 80.

Un de los momentos más tensos ente estos rivales aconteció en Sevilla en 1987 cola corona mundial en xuegu, esti alcuentru ye a día de güei'l que más espectadores tuvo, siguíu en direutu pela TVE por más de 13 millones d'espectadores de tol mundiu.
Venció Kaspárov na partida final, una partida épica que supuso'l momentu cimeru d'esti duelu pero non el so final.

Campeonatu del mundu 1984.

Tres 1990, últimu duelu pol títulu mundial ente dambos xugadores, Kaspárov, en griesca cola FIDE, france y crea la PCA, asociación paralela siguida por dellos xugadores de renome, dende entós namái s'enfrentaron ocasionalmente en torneos y alcuentros especiales, posteriormente la FIDE fizo les paces con Kaspárov.

Cola llegada del nuevu mileniu Kárpov entamó a baxar el nivel, daqué normal debíu a la edá, mui superior a la de los nuevos valores mientres Kaspárov daba anuncia de la so retirada en 2005 por sorpresa tres xugar el Campeonatu de Linares.

Semeya reciente.

Kaspárov, afincáu en Nueva York, dedícase a la política actualmente, ye'l llíder de la coalición "La otra Rusia", cuyo oxetivu ye derrocar al réxime de Vladímir Putin, fechu pol que fo encarceláu díes al manifestase, daqué non permitíu nesti país. Nel momentu d'esti sucesu, Anatoli Kárpov pidió la so lliberación inmediata y poder face-y una visita a la cárcele, lo qu'emocionó a Kaspárov y averó a dambos rivales qu'hestóricamente nun tuvieron gran relación. Kárpov sicasí sigue xugando, tres la nueva llista d'Elo FIDE de xunetu de 2009 sigue ente los 100 meyores del mundiu y nun paez que vaiga a dexalo.

Kaspárov manifestándose.

Alcuentru en Valencia pa setiembre de 2009

Ta acabante d'anunciase daqué mui especial pa cualquier axedrecista, y ye que tres tantos años ensin vivir esti duelu, Kaspárov y Kárpov participarán nún alcuentru ente'l 21 y el 24 de setiembre, siendo a rápides y semi-rápides les modalidaes escoyíes.

Esto vien a conmemorar el XXV aniversariu del primer alcuentru pol títulu mundial ente dambos xugadores ( 1984-2009 ).

Tantu ayeri como güei, esti alcuentru siempre será especial.

Campeonatu del mundiu de 1987 ( 5ª partida )

Campeonatu del mundiu de 1987 ( 8ª partida )

23/06/2009 GMT 1

Problemes II

asturianu @ 12:56

Problemes II.

Déxovos dellos problemes d'axedrez, toos ellos ocurrieron en partíes míes, dalgunos vilos, otros non nel molentu, pa los que-yos cueste más daré una pista darréu la imaxe y la solución podrá descubrise pinchando col punteru l'espaciu en blancu.
Cada problema tien un nivel de dificultá ( 1 mínimu - 5 máximu ).

Problema 1

Blanques: David Gallinar Cañedo, Elo: 1.701, Club: Oviedo 93
Prietes: David Canteli Quintero, Elo: 0, Club: Siero
3/I/2009, Open de Navidá de la F.A.P.A.
Xueguen blanques y ganen ( Nivel 3 )

Pista: Les prietes pierden material a esgaya.
Solución: 1.Cxc5 si bxc5 2.Ad5, si Df7, 2. Cxd7 Dxd7, 3.Axc6

Problema 2

Blanques: Iván García Suárez, Elo: 1.707, Club: Candás
Prietes: David Gallinar Cañedo Elo: 1.701, Club: Oviedo 93
4/I/2009, Open de Navidá de la F.A.P.A.
Xueguen prietes y ganen ( Nivel 1 )

Pista: Gánase calidá
Solución: 1.Cf3+ Cxf3, 2.Dxh5

Problema 3

Blanques: Juan Bautista García, Elo: 1.857, Club: Alfil
Prietes: David Gallinar Cañedo Elo: 1.701, Club: Oviedo 93
28/II/2009, Campeonatu d'Asturies de 3ª
Xueguen prietes y ganen ( Nivel 4 )

Pista: Combinacion de pieces contra l'enroque con ventaya decisiva.
Solución: 1.Axc3 bxc3, 2.c4 dxc4 ( Non Axc4 por 3.Cxc4, dxc4, 4.Ce4 De1, 5.Da3+ Rb1, 6.Cxc3 ganando la dama ) 3.Ce4 De1, 4.Cf3 Df1, 5.Da3. Rb1, 6.Cc3+ Ra1, 7.Cxd1

Problema 4

Blanques: Sergio Aído Espina, Elo: 1.671, Club: Universidad
Prietes: David Gallinar Cañedo: Elo: 1.701, Club: Oviedo 93
28/III/2009, Campeonatu d'Asturies de 3ª
Xueguen prietes y ganen ( Nivel 1 )

Pista: Mate en 2.
Solución: 1.Ac4+ c3, 2.De2#

Problema 5.

Blanques: David Gallinar Cañedo, Elo: 1.701, Club: Oviedo 93
Prietes: Baldomero Naves Miranda, Elo: 1.823, Club: Valdesva
3/IV/2009, Campeonatu d'Asturies de 3ª
Xueguen blanques y ganen ( Nivel 2 )

Pista: Delles debilidaes prietes irreparables.
Solución: 1.b4 Dc6, 2.c5 Dd8, 3.Cxd4 Axd1, Dxd1 ( 2 alfiles por torre, nun val agora Dxd4 por Axf7+ )

18/06/2009 GMT 1

Xuegos deportivos escolares - XXIII Román Torán

asturianu @ 17:29

Xuegos deportivos escolares - XXIII Román Torán.

Sub-8.

17 participantes, con 14 neños y 3 neñes de los cuales salió campeón Álvaro López Fueyo, quien yá ganara en marzu'l campeonatu autonómicu sub-8, faciendo un brillante 5 de 5, completaron el podium Jorge Pastrana y Eloy Ordiz, dambos con 4 puntos, la primer neña fo Marta Rueda que quedó 5ª con 3 puntos.
Les partíes teníen un tiempu de xuegu de 30 minutos + 20 segundos por cada xugada.

Clasificación:
http://chess-results.com/tnr22853.aspx?art=1&lan=2&m=-1&wi=1000

Sub-10.

20 xugadores repartíos en 17 neños y 3 neñes, reñíu final de campeonatu y victoria pa Iván Hernanz Iglesias con 4,5 de 5, victoria que pudo ser p'Álvaro Álvarez, 2u clasificáu con 4 puntos, si ésti ganara la so ronda final, na que fizo tables, completó'l podium Juan Villermur colos mesmos puntos.
El tiempu de xuegu fo de 30 minutos + 20 segundos por xugada realizada.

Clasificación:
http://chess-results.com/tnr22852.aspx?art=1&lan=2&m=-1&wi=1000

Sub-12

20 axedrecistes de los cuales 19 foron neños y 1 neña, la victoria llevósela Pablo Paredero González qu'entabló na partida cabera col 2u clasificáu Pedro González, quien algamó los 4 puntos y de vencer nesa ronda sería'l campeón, 3u fo David Sánchez Vigón con 4 puntos tamién y un gran tornéu.
Cada partida duraba 60 minutos por xugador + 30 segundos por cada xugada realizada.

Clasificación:
http://chess-results.com/tnr23029.aspx?art=1&lan=2&m=-1&wi=1000

Sub-14

19 clasificaos con 14 mozos y 5 moces y gran victoria de Javier Reno Chanca, que supo ganar partíes complicaes nes que s'alcontraba n'inferioridá, sumando 4,5 puntos sobro los 5 posibles, 2u puestu pa Pablo González Balbuena con 4 puntos y 3u Néstor López Cadenas con 3,5, bona actuación tamién d'Olaya Juanes que llideraba la clasificación con 3 de 3 pero los nervios cundieron na 4ª partida cuando en posición ganadora nun remató a Javier Reno y ésti supo refacese y vencer.
Utilizose'l sistema oficial de la F.I.D.E. de 90 minutos + 30 segundos amestaos por xugada.

Clasificación:
http://chess-results.com/tnr22850.aspx?art=1&rd=5&lan=1&m=-1&wi=1000

Sub-16

11 inscritos, toos ellos mozos y cómoda victoria pa David Baragaño Campa con 4,5 de 5, superando en tou momentu a los sos rivales, 2u clasificáu quedó Eloy González Cuervo con 4 sobro 5 y completando'l podium 3u quedó Carlos Serrano Campo con 3 puntos de 5 posibles.
Usose'l tiempu reglamentariu de la F.I.D.E. de 90 minutos + 30 segundos por xugada.

Clasificación:
http://chess-results.com/tnr23028.aspx?art=1&lan=1&m=-1&wi=1000

27/04/2009 GMT 1

Partida comentada Nu4

asturianu @ 22:56

La Partida del Campeonatu d'Asturies.

Blanques: David Gallinar Cañedo, Elo: 1.701, Club: Oviedo 93
Prietes: Gonzalo Prieto, Elo: 1.784, Club: Torre de Gauzón

Xugaes:
1. e4 d5
2. exd5 Dxd5
3. Cc3 De5+?!
4. Ae2 c6
5. Cf3 Dc7
6. d4 Af5
7. 0-0 e6
8. d5!? exd5
9. Te1 Ae7
10. Cd4 Ag6
11. Ad3 Axd3
12. Dxd3 Ca6
13. Cf5 0-0-0
14. Cxg7 Ad6
15. Dh3+ Dd7
16. Dxd7+ Rxd7
17. Cf5 Ac7
18. Ae3 f6?
19. a3?! b6
20. Tad1 Ae5
21. Ad4 Te8
22. Cg7 Te7
23. Cf6 Te8
24. Cg7 Te7
25. Axe5 Txe5
26. f4 Txe1+
27. Txe1 Ce7
28. Ch5 Tf8
29. g4 Cc5
30. b4 Ce6
31. Ce2 h6
32. f5 Cg5
33. Rg2 Cc8
34. Ceg3 Cd6
35. h4 Cge4
36. Cxe4 Cxe4
37. c4 Rd6
38. Cf4 Tg8
39. Cg6 Tg7
40. Td2 a6?!
41. Rf3 b5
42. cxd5 cxd5
43. Cf4 Tc7?
44. Cxd5! Rxd5
45. Txe4 Tc6
46. Rf4 Tc4??
47. Txc4 bxc4
48. Re3 Re5
49. a4
RINDE. 1-0.

Posición tres la xugada Nu7 de les prietes ( e6 )

1.e4 d5, 2.exd5 Dxd5, 3.Cc3 De5+?!, 4.Ae2 c6, 5. Cf3 Dc7, 6.d5 Af5, 7.0-0 e6

Apertura escandinava daqué inusual con xaque de dama prematuru que permite un rápidu desendolcu a les blanques mientres la dama prieta vese atacada y tien que fuxir a la casiella más natural c7 retrasando asina'l progresu prietu.

8.d5!? exd5, 9.Te1 Ae7, 10.Cd4 Ag6, 11.Ad3 Axd3, 12.Dxd3 Ca6

Los problemes prietos entamen, d5 ye una interesante idea táctica, sacrificar el peón pa meyorar entá más el desendolcu, agora si cxd5 les blanques golpeen fuertemente con 9.Cb5 Db6, 10.c4 y la idea ye poner l'alfil en f4 y la dama n'a4 con un ataque que como mínimu paez que gana calidá, si Cf6 tentando de desendolcar, 9.Cd4! ye una rempuesta poderosa ente la que les prietes tendrán que filar fino pa nun perder prematuramente, la rempuesta fecha, que posiblemente seya la meyor, tien como problema l'apertura de la columna "e" pa les blanques con toles pieces ensin mover, lo que consecuentemente lleva a atacar al rei, más tarde, na 11ª xugada, les blanques opten por Ad3 que nun ye mala xugada, pero h4! que paez inofensiva ye la meyor opción, dexando a les prietes cuasi ensin aternatives, h5, 12.Ag5 Cd7 ( nun val f6 por Ce6 ) y agora si 13.Ad3, con amplia ventaya blanca.

13.Cf5 0-0-0, 14.Cxg7 Ad6, 15.Dh3+ Dd7, 16.Dxd7 Rxd7, 17.Cf5 Ac7

Les prietes vense obligaes a devolver el peón pa protexer al rei, pero siguen retrasaes nel desendolcu, descoordinaes y agora tienen 2 peones aisllaos, lo que nún final pue ser puntu a favor de les blanques, dempués con Ad6 les prietes pretenden tomar aire pero nun ye lo meyor, Cb4 paez una xugada muncho más molesta, y tres Dh3+ Dd7, les blanques optaron pol cambéu, pero lo ideal paez Cf5!?, que siguiría con Rb8, 17.Cxd6 Dxd6, 18.Dh4 con ventaya blanca abonda.

18.Ae3 f6?, 19.a6?! b6, 20.Tae1 Ae5, 21.Ad4 Te8, 22.Cg7 Te7, 23.Cf5 Te8, 24.Cg7 Te7, 25.Axe5 Txe5, 26.f4 Txe1+, 27.Txe1 Ce7

Y algamamos el final, agora les blanques nun xugaron tolo preciso que teníen que facelo y permitieron a les prietes medrar, dexando en llixera ventaya blanca esti final, un triunfu pa les prietes, dempués de f6 simplemente Axa7 gana peón yá que nun pue zarrase la diagonal por Ca4, les blanques completaron el desendolcu de toles pieces y les prietes tenten de lliberase con Ae5 y Te8, a lo que les blanques nun respuenden cola fuerza necesaria, tres Txe5 les blanques disponíen de Ce4!, una xugada que tresllada al flancu rei al caballu onde ye más efeutivu, sicasí f4 nun ye mala opción y tres el cambéu de torres paez que les prietes respiren daqué.

28.Ch5 Tf8, 29.g4 Cc5, 30 b4 e6, 31.Ce2 h6, 32.f5 Cg5, 33.Rg2 Cc8, 34.Ceg3 Cd6, 35.h4 Cge4, 36.Cxe4 Cxe4

Dellos movimientos y paez que sigue tou igual, llixera ventaya blanca difícil de materializar, pue ser que tres 28.Ch5, que nun ye'l movimientu más finu, les prietes pudieran igualar con f5, les blanques presionen les debilidaes pero les prietes tienen mayoría de peones nel flancu dama, un final complicáu nel que lo meyor paez simplificar daqué pa ver meyor les opciones de caún.

37.c4!? Rd6, 38.Cf4 Tg8, 39.Cg6 Tg7, 40.Te2 a6?!, 41.Rf3 b5, 42.cxd5 cxd5

c4 ye una bona idea pa presionar les debilidaes prietes, pero tres Rd6 lo meyor yera Rf3!?, agora si Cd2+ Rf4 y la ventaya paez qu'amplíase al ganar espaciu y amenazar Te6+, con Cf4 iguálase y tres Te2 paez interesante pa les prietes a5!, que posiblemente-y dé vuelta a la partida, a6 ye una xugada floxa cola única idea de b5, movimientu tres el qu'hai que capturar en d5, c5+ ye inferior.

43.Cf4 Tc7?, 44.Cxd5 Rxd5, 45.Txe4 Tc6, 46.Rf4 Tc4??, 47.Txc4 bxc4, 48.Re3 Re5, 49.a4 RINDE

Les blanques topen con un guelpe tácticu que nun ven les prietes, con Te7 siguiría la llixera ventaya blanca ensin más, pero con Tc7 captúrase'l peón en d5 con intercámbeu de caballos, el final ye ventayosu pa blanques pero tres Tc4 les prietes queden perdíes debíu a una inferioridá de peones en dambos flancos.

Campeonatu d'Asturies individual

asturianu @ 00:33

Campeonatu d’Asturies individual.

1ª división.

Imponente victoria d'Iván González "Tomatillo" que nun dexó opción a nengún rival firmando 8 de 9 puntos posibles ensin derrota, bon campeonatu tamién de Javier Vigil que terminó segundu en solitariu con 6,5 puntos siguíu por Enrique Álvarez "Kikín", ex-campeón, que fizo un tornéu correutu ya Ignacio Bajo que supo reafirmase tres un entamu dubitativu, pero la gran sensación d'esta edición del campeonatu rexonal fo Jaime Santos Latasa, sub-13, que partía col ranking 26 y s'estrenaba na categoría concluyendo 5u con 5,5 puntos, probe campeonatu de Javier Agüera que partía como claru candidatu al títulu y finalizó 11u con 5 puntos, peor entá fízolo San Claudio, delles vegaes campeón, qu'acabó un puestu penriba'l descensu 25u con 3,5 puntos y nefastu campeonatu de Pedro Méndez que nun s'estrenó.

Clasificación:
http://chess-results.com/tnr19563.aspx?art=1&rd=9&lan=1&m=-1&wi=1000

2ª división.

Campeonatu mui disputáu que finalizó cola sorprendente y merecida victoria de José Ramón Lana con 7 puntos igualáu pero con meyor desempate que Eduardo Fernández Palacio, completen los puestos d'ascensu: Jesús Manuel Álvarez, Marco Antonio Marino y Rodrigo Prieto, otros candidatos como Daniel Canteli, Carlos Suárez o Alexandra Suárez deberán de tentalo l'añu que vien, de los qu'estrenaben la categoría cabe destacar a Javier García que partía como víctima y consiguió 4,5 puntos firmando la salvación delles rondes previu a finalizar el campeonatu.

Clasificación:
http://chess-results.com/tnr19562.aspx?art=1&rd=9&lan=1&m=-1&wi=1000

3ª división.

Enorme igualdá y final d'infartu pa consiguir un puestu d'ascensu, la victoria fo pa Ramiro Díaz Vinjoy con 7,5 puntos, gran campeonatu frutu de la so regularidá, con 7 puntos siguieron Ángel Díaz López y Juan Manuel Pérez, y yá con 6,5 puntos tolos demás ascendíos: 4u Javier Reno, que fizo un gran campeonatu lliderando la tabla bona parte d'él, 5u Fernando Arroyo, mui regular tol tornéu, 6u Miguel Civiades, que supo ganar cuando más falta-y facía y nun pasó problemes, 7u Pablo Martínez, que partía col primer ranking, 8u Pablo Jesús López que firmó una bona actuación, 9u Pablo González Balbuena, que tres entamar floxu firmó un gran final de campeonatu y les tables sirviéron-y pa subir na ronda final y 10u David Gallinar (yo) estrenándome con ascensu na categoría.

Clasificación:
http://chess-results.com/tnr19564.aspx?art=1&rd=9&lan=1&m=-1&wi=1000

4ª división.

Intensa ronda final y victoria pal escandinavu Eero Huhtanen que llogró 7,5 puntos, los mesmos qu'el 2u clasificáu José Antonio Enterría, acompanguen a la 3ª división Valentín Pellico Caso que fizo 7 puntos y José Esteban Pérez y Daniel Sánchez, dambos con 6,5 puntos, deceicionante campeonatu del ranking 1 Jerzy Mickos Kamiñski que finalizó 24u con 4 puntos.

Clasificación:
http://chess-results.com/tnr19565.aspx?art=1&rd=9&lan=1&m=-1&wi=1000

31/03/2009 GMT 1

L'axedrez y el cine

asturianu @ 20:44

Axedrez y cine.

Anguaño l'axedrez ye'l xuegu que más popularidá tien nel cine, delles películes y curtios col axedrez d'argumentu principal y otros con presencia del milenariu xuegu rodáronse enllenando eses obres del misticismu y romanticismu qu'arrodia siempre al xuegu.

Déxovos delles obres darréu ( en castellán ).

La defensa Luzhin
( Entera dándo-y col punteru nel vidéu )
· Sinopsis: Hestoria d'un mayestru d'axedrez d'entamos del S.XX qu'acude a Italia a xugar un campeonatu pola corona mundial, ellí topará col pasáu con una muyer y colos dilemes que tou xugador sufrió dalguna vegada.
· Duración : 1 hora y 44 minutos.

En busca de Bobby Fischer
( Entera dándo-y col punteru nel vidéu )
· Sinopsis: Basada na hestoria real d'un neñu, Josh Waitzkin, que con 7 años despuntaba yá nel axedrez, la hestoria dirá comentando paralelamente los llogros d'otru neñu prodixu, Robert James "Bobby" Fischer.
· Duración: 1 hora y 45 minutos.

La fiebre del axedrez
( Entera dándo-y col punteru nel vidéu )
· Sinopsis: Curtiu rodáu na Unión Soviética en 1925 que trata de manera humorística la otra revolución que sufrió'l país n'aquella época, l'axedrecística. Intervién José Raúl Capablanca.
· Duración: 20 minutos.

El séptimu sellu ( fragmentu )
· Hestórica escena de la película onde'l protagonista desafía a la muerte a xugar una partida d'axedrez.

El xuegu d'axedrez
· Óscar al meyor curtiu animáu en 1997.
· Duración: 5 minutos.

Tamién hai dellos documentales alrodiu'l mundiu esti.

El mio gran cerebru.
· Susan Polgar enseña les sos capacidaes, la so formación y el so potencial respeuto al axedrez.
· Duración: 30 minutos.

La pasión del axedrez.
· 25 documentales dirixíos por Leontxo García en collaboración con Garry Kaspárov.

22/02/2009 GMT 1

Campeonatu d'Asturies individual

asturianu @ 20:38

Campeonatu d’Asturies individual.

1ª división.

Gran nivel xeneral con dellos ex-campeones del campeonatu y mayestros pola F.I.D.E., sicasí paez que’l podium ye enforma favorable a los 3 primeros rankings, los mayestros Iván González “Tomatillo”, Javier Agüera y Enrique Álvarez “Kikín”, campeón esti últimu de la edición cabera.

Xunto a ellos, otros destacaos ex-campeones y mayestros como David Roiz, Luís Javier Vigil, Ignacio Bajo o Francisco Javier de San Claudio puen ser les alternatives, pero ensin dubia, la gran sensación del campeonatu ye la promesa de namái 13 años, Jaime Santos Latasa, que yá sabe lo que ye ganar a los grandes del nuesu axedrez.

Tamién hai novedaes como la del primer tableru del Oviedo 93, Arturo G. Pruneda, que ta recuperando la so meyor versión y Gumersindo Cabero, recuperáu pal axedrez, la única muyer W.F.M., ye Lucía Fidalgo, qu'ensin partir como favorita bien pue dar la sorpresa.

31 xugadores de los que 1 vencerá, 25 afayaranse y 6 despedirán la categoría.

Marcelino Vega Viejo ( semeya d'ajedrezastur ).

2ª división.

La nueva xeneración ocupa bona parte d’esta categoría, que cuenta cola otra pelra sub-13 asturiana, Carlos Suárez, pa quien munchos güeyarán, favoritos nun hai nengún claru, pero paez que Daniel Canteli tien les opciones más importantes pa imponese.

Otros xugadores destacaos son Alberto Sánchez Vergara “Buah”, Alesandra Suárez, Julio Bernal, José Luís Miranda y el cada vez más en forma Javier Redondo.

50 xugadores conformen la categoría de los qu’ascenderán 5, afayaranse los que queden ente’l 6u y el 39u y descenderán los caberos 10.

Daniel Canteli ( semeya d'ajedrezastur ).

3ª división.

Podría definise la categoría n’una pallabra, igualdá, y ye que cualquiera pue ganar o cayer.

Entama como favoritu’l que fuera yá ranking 1u l’añu pasáu, Pablo Martínez,  pero xugadores que parten non mui cabezaleros nel ranking puen ser les alternatives más potentes como Pablo G. Balbuena, 2u nel campeonatu sub-14 d’Asturies o Daniel Martínez Otero, que meyora a diariu como diz el +173 d’Elo p’abril que consiguió.

Equí un servidor que s’estrena na categoría partiendo col 46u ranking tentará de dexar altu’l llistón.

92 participantes compondrán la categoría de los qu’ascenderán a 2ª los qu’ocupen los 10 primeros puestos, afayaranse na categoría los 70 siguientes descendiendo a 4ª los qu’acaben perbaxu l’80u puestu.

Pablo G. Balbuena ( semeya d'ajedrezastur ).

4ª división.

Nueva categoría que sirve pa que les nueves xeneraciones entamen a formase nesti deporte y pa que los más rezagaos reentamen la so andadura nel mundu esti.

El polacu Jerzy Mickos Kamiñski parte como cabezaleru, pero tendrá gran competencia col so compañeru d’equipu José Israel Tejera y colos guaḥes que van medrando a diariu como Álvaro Álvarez, Juan Villemur y Alberto Villarroya toos ellos sub-10 y David Roiz ( fiyu de Mayestru David Roiz que xuega en 1ª ), nesti casu sub-12.

44 axedrecistes participen nesta categoría de los que’l 10% +1 ascenderán (5), el restu siguirá l’añu que vien na división recién creada.

Jerzy Mickos Kamiñski ( semeya de Lobochess ).

Contautar col autor o autora | Archivu | ¡Crea'l to Blog yá! Fácil y de baldre