L’Universidá d’Uviéu coronose nuevamente como campeón d’Asturies por equipos, quedando invictos con 73,5 puntos, sacando-y 8,5 puntos al segundu clasificáu y mostrando, otru añu más, la so superioridá nel axedrez asturianu, el Real Grupo de Cultura Covadonga, conxuntu que pese a tar más xustu de fuerces qu’otros años, sumó 65 puntos, meyorando la marca del pasáu añu, firmó un segundu puestu meritoriu, completó’l podium l’Oviedo 93 ( el mio equipu ), faciendo un gran añu con 54,5 puntos, superando a rivales de gran nivel y puntuando abondo énte rivales más débiles, lo qu’otros años suponía una sangría de puntos pa los carbayones.

Los metales nobles repartiéronse ensin nenguna sorpresa, yá que los 3 cabezaleros tamién lo yeren según el ranking Elo al entamu’l campeonatu, siendo motivu de debate si debería camudase’l sistema de competición actual por otru nel que los equipos con menos potencial tuvieren más opciones, sicasí nun paez que vaya a camudase un res, siendo aceptáu por bona parte de la comunidá axedrecística asturiana’l sistema d’anguaño.

Na zona media-alta nun hubo grandes sorpreses, cuartu acabó’l Ciudad Naranco, que fizo un bon añu nel qu’intercalaron imponentes victories como’l 2,5-5,5 énte’l R.G.C.C. o la inesperada derrota frente al Mieres del Camín por 3-5, quintu concluyó’l Grupo 64, la seición del R.G.C.C. entamó’l campeonatu semando dubies a esgaya, pero con un gran final de campaña meyoraron enforma la puntuación del añu pasáu, sestu finalizó l’Ensidesa, que como tolos años fo un equipu seguru, rocosu y ensin altibaxos.

La zona media-baxa tuvo a un cliente non habitual como’l Siero como séptimu clasificáu, l’equipu esti partía como ún de los favoritos al podium, la estratexa de da-yos puxu a los nuevos valores pasó factura, pero de xuru verase recompensada n’años venideros, octavu fo l’Antonio Rico, que fizo una correuta temporada, siendo un recién ascendíu, paez que tan asentándose bien na categoría, pero problemes internos y rumores de fusión col Alfil puen desestabilizar el proyeutu, un puestu penriba’l descensu quedó novenu’l Mieres del Camín, equipu que lluchó con tolo que tenía y enxamás-y perdió la cara a la competición, pese a que llegó a tar a más de 6 puntos de diferencia de los puestos de salvación, la so victoria 1,5-6,5 na xornada cabera énte l’Alfil sirvió pa llograr la permanencia.

El descensu fo pa’l Pablo Morán, décimu, qu’empató a puntos col Mieres del Camín pero un infortuniu fizo que’l desempate quedara peor pa’l conxuntu carbayón, cuando’l so primer tableru nun pudo xugar una partida, siendo asina sancionaos con mediu puntu y col desempate perdíu énte tolos rivales, undécimu acabó l’Alfil, que xunto col colista, El Entrego, rubricaron rápidamente’l so descensu, tando descolgaos del restu d’equipos a mediaos del campeonatu.

2ª división

El Torre de Gauzón consiguió alzase col campeonatu de segunda gracies a un bon añu nel que los castrilloneses cuasi nun perdieron nengún alcuentru, segundu y a mediu puntu namái quedó’l filial del Ciudad Naranco, campeón de filiales, que na xornada cabera venció a los campeones pero’l marxe nun fo suficiente, l’equipu esti al ser un filial nun pue ascender, pero lluchó como los meyores de la categoría, acompangaron al Torre de Gauzón a la máxima categoría l’Atenéu Obreru, terceru, pol que pocos apostaben, pero un final de campeonatu con grandes resultaos fizo que los de Xixón algamaran una categoría que facía tiempu que nun pisaben y cuartu la sorpresa’l campeonatu, el Centro Asturiano de Avilés, qu’en tres años pasó de 4ª a 1ª.

Na zona media, bon añu pa’l filial del Oviedo 93, quintu, que tuvo siempre na zona sele de la clasificación, sestu acabó’l Gradense, equipu qu’aspiraba a ascender y que tendrá que dexalo p’años venideros, séptimu finalizó’l Atenéu Obreru 1881 que fo desinflándose según pasaben les rondes y octavu acabó’l filial del R.G.C.C., que tuvo que lluchar hasta’l final pola so permanencia.

El descensu fo pa’l filial del Universidá d’Uviéu, novenu, que sorprendentemente nun pudo caltener la categoría a pesar del gran nivel del conxuntu y del primer equipu, décimu fo’l filial del Ensidesa, los avilesinos tentaron de salvase hasta’l final, pero l’equipu nun disponía del potencial suficiente, undécimu acabó l’Al Paso, los de L’Infiestu nun entraron nunca na competición y pese a que llucharon con mucha dignidá y algamaron dellos puntos, entá-yos falta un puxu de calidá, colista quedó’l filial del Antonio Rico, puestu del que nun coló en tol campeonatu.

Grupu “A”

El filial del Siero proclamose campeón del Grupu “A” de la 3ª asturiana, l’equipu taba pensáu p’ascender y consiguiolo de manera contundente, averándose al record de la categoría, xunto col equipu sierense subirán los de Cangas del Narcea del San Juan Bautista, qu’algamaron la segunda plaza y retornen a la categoría que más se-yos asemeya por nivel completó’l podium el Centro Asturiano de Gijón, que lluchó hasta’l final, pero un desastrosu resultáu colos campeones impidio-yos l’ascensu.

Na zona media-alta acabaron, cuartu’l filial del Alfil, que fizo un bon añu, quinta la O.N.C.E. que meyoró a esgaya, sestu l’Ensidesa “C” que nun pasó apuros y séptima La Petrina, los de Nava entamaron fuertes pero desinfláronse.

La zona media-baxa ocupáronla, octavu’l filial del Pablo Morán, novenu les promeses del filial del Valdesva, décimu’l filial del Torre de Gauzón y undécimu’l Llanera, equipu que tolos años forma neños a esgaya.

Descendió l’Oviedo 93 “D”, l’equipu formáu por neños nun pudo caltener la categoría pero lluchó con muncha dignidá y enseñaron que la cantera asturiana tien muncho qu’aportar al axedrez.

El Valdesva alzose col campeonatu del Grupu “B” de la tercera asturiana por méritos propios, quedando invictos ensin colar de los puestos de privilexu en tola campaña, acompangará a los de Trevías el filial del Atenéu Obreru, que fizo una campaña mui penriba de lo esperáu, completando los puestos d’honor acabó terceru’l Siero “C”, que tamién consiguió’l títulu de campeón de filiales “C”.

La zona media-alta ocupáronla, cuartu l’Oviedo 93 “C”, que sigue n’escalada y cada añu presenta más nivel, quintu l’Atenéu Obreru de Villaviciosa, que tres el so descensu nun supieron facese bien a la categoría, sestu’l Candás, equipu humilde que cumplía esti añu’l so 25º aniversariu y séptimu’l Ciudad Naranco “C”, los naranquinos siempre presenten alternatives de garantía y mocedá.

La zona media-baxa fo pa, octavu’l filial del Mieres del Camín, novenu’l Torre de Llanes, décimu’l filial del Atenéu Obreru 1881 y undécimu’l filial d’El Entrego.

Descendió l’Alfil “C”, que lluchó por mantenese pero nun fo a llevantar cabeza en tol campeonatu.

4ª división

15 equipos conformaron esti añu la 4ª división asturiana, xugándose con un sistema suizu a 8 rondes, contando les victories como primer desempate.

Nesta edición el campeón fo’l filial del Centro Asturiano de Gijón, empatáu a puntos col filial del Candás, dambos equipos tendrán derechu a xugar en 3ª l’añu que vien.

Clasificaciones

1ª: 8 xugadores por equipu.
2ª: 8 xugadores por equipu.
3ª: “A” y “B” 6 xugadores por equipu.
4ª: 4 xugadores por equipu ( sistema suizu a 8 rondes ).
Azul: Equipos campeones y qu'ascienden.
Roxu: Equipos que descienden.

1ª división

Puestu	Equipu	Puntos	G-E-P
1u	Universidá d’Uviéu	73,5	11-0-0
2u	R. G. C. C.	63,5	9-0-2
3u	Oviedo 93	54,5	7-1-3
4u	Ciudad Naranco	51	6-1-4
5u	Grupo 64	49	7-1-3
6u	Ensidesa	47,5	6-1-4
7u	Siero	40	3-3-5
8u	Antonio Rico	36	3-2-6
9u	Mieres del Camín	35	3-1-7
10u	Pablo Morán	35	3-3-5
11u	Alfil	22,5	0-2-9
12u	El Entrego	19,5	0-1-10

2ª división

Puestu	Equipu	Puntos	G-E-P
1u	Torre de Gauzón	56	8-1-2
2u	Ciudad Naranco “B”	55,5	8-1-2
3u	Atenéu Obreru	51	7-1-3
4u	Centro Asturiano de Avilés	50	7-2-2
5u	Oviedo 93 “B”	47	5-2-4
6u	Gradense	46,5	5-0-6
7u	Atenéu Obreru 1881	42,5	6-1-4
8u	R. G. C. C. “B”	42,5	5-1-5
9u	Universidá d’Uviéu “B”	40	1-4-6
10u	Ensidesa “B”	36,5	3-2-6
11u	Al Paso	36	2-2-7
12u	Antonio Rico “B”	24,5	0-1-10

3ª división, grupu “A”

Puestu	Equipu	Puntos	G-E-P
1u	Siero “B”	50	9-2-0
2u	San Juan Bautista	47	8-3-0
3u	Centro Asturiano de Gijón	43	8-1-2
4u	Alfil “B”   ( -1 )	39	7-1-2
5u	O. N. C. E.	35	4-2-5
6u	Ensidesa “C”	35	5-1-5
7u	La Petrina   ( -1 )	34,5	5-0-5
8u	Pablo Morán “B”	33	4-0-7
9u	Valdesva “B”	29,5	4-1-6
10u	Torre de Gauzón “B”	22,5	3-2-6
11u	Llanera	22,5	1-1-9
12u	Oviedo 93 “D”	8,5	0-0-11

3ª división, grupu “B”

Puestu	Equipu	Puntos	G-E-P
1u	Valdesva	49	10-1-0
2u	Atenéu Obreru “B”	47	9-1-1
3u	Siero “C”	39,5	7-1-3
4u	Oviedo 93 “C”	38,5	5-2-4
5u	A. O. de Villaviciosa  ( -1 )	32	5-1-4
6u	Candás	32	4-3-4
7u	Ciudad Naranco “C”  ( -1 )	30,5	4-2-4
8u	Mieres del Camín “B”	29,5	4-2-5
9u	Torre de Llanes	26,5	3-1-7
10u	Atenéu Obreru 1881 “B”	24,5	2-2-7
11u	El Entrego “B”	21,5	2-1-8
12u	Alfil “C”	17,5	1-1-9

4ª división

Puestu	Equipu	Puntos	G-E-P
1u	Centro Asturiano Gijón “B”	14	6-2-0
2u	Candás “B”	14	7-0-1
3u	Mieres del Camín “C”	11	4-3-1
4u	Atenéu Obreru 1881 “C”	11	5-1-2
5u	Siero “D”	8	3-2-3
6u	Atenéu Obreru “C”	8	3-2-3
7u	Ciudad Naranco “D”	8	4-0-4
8u	Ciudad Naranco “E”	8	3-2-3
9u	R. G. C. C. “C”	8	3-2-3
10u	Mieres del Camín “D”	8	3-2-3
11u	Grupo 64 “B”	7	1-5-2
12u	Torre de Gauzón “C”	7	3-1-4
13u	Atenéu Obreru “D”	6	2-2-4
14u	R. G. C. C. “D”	6	1-4-3
15u	Alfil “D”	4	1-2-5

Semeya del equipu campeón: Universidá d’Uviéu.

Comments

Del 18 al 26 de xunetu disputose na comuna de la Massana, Andorra, el XXVII Abiertu Internacional d'axedrez del país que cuntó cola presencia de 160 participantes de 21 países, 4 d'ellos asturianos amestándome ente ellos de los cuales fadré valoración a parte.A la folixa del axedrez hai que sumá-y les grandes propuestes d'ociu y turismu de natura y mercáu y les bones instalaciones del hotel, siendo la sala xuegu exemplar pa cualquier otru campeonatu.El tornéu duró 9 díes, tocando a 1 ronda diaria con partíes de 90 minutos + 30 segundos por xugada realizada y un bonus de 30 minutos más al algamar la 40ª xugada, siendo esti'l sistema a emplegar nel futuru en tolos campeonatos d'altu nivel.

Toles rondes foron reñíes, mayestros y aficionaos demostraron un gran nivel y cada ronda los puntos taben más caros, al final la victoria fo pal G.M. francés de 18 años Edouard Romain con 7,5 puntos sobro los 9 totales, el meyor llocal fo'l G.M. Óscar de la Riva y la 1ª muyer fo l'actual campeona d'España, la WGM Sabrina Vega.

Clasificación final:
http://chess-results.com/tnr23864.aspx?art=1&rd=9&lan=2&m=-1&wi=1000&zeilen=99999

Reportaxe de la TV d'Andorra.

Comments

Anatoli Kárpov y Garry Kaspárov, lleendes del axedrez y cuasi con total seguridá los 2 meyores xugadores de la hestoria, tuvieron la mayor rivalidá vivida en cualquier deporte. Ente los sos llogros destaquen los 170 torneos nos que venció Kárpov, record y cifra cuasi imposible d'algamar nos díes que cuerren y el record d'años consecutivos como campeón de Garry Kaspárov y la so marca de 2.851 puntos Elo, puntuación a la qu'entá naide fo a arrimase.

Al comienzu de los 80 Kárpov representaba al antiguu réxime, más veteranu y campeón del mundiu, Kaspárov, más mozu, yera un revolucionariu y l'alternativa a la corona mundial, esti fo'l momentu onde la lleenda entamó a fraguase con lletres d'oru.

Kárpov y Kaspárov nos años 80.

Comments

Comments

Anguaño l'axedrez ye'l xuegu que más popularidá tien nel cine, delles películes y curtios col axedrez d'argumentu principal y otros con presencia del milenariu xuegu rodáronse enllenando eses obres del misticismu y romanticismu qu'arrodia siempre al xuegu.

Déxovos delles obres darréu ( en castellán ).

La defensa Luzhin
( Entera dándo-y col punteru nel vidéu )
· Sinopsis: Hestoria d'un mayestru d'axedrez d'entamos del S.XX qu'acude a Italia a xugar un campeonatu pola corona mundial, ellí topará col pasáu con una muyer y colos dilemes que tou xugador sufrió dalguna vegada.
· Duración : 1 hora y 44 minutos.

Comments

Gran nivel xeneral con dellos ex-campeones del campeonatu y mayestros pola F.I.D.E., sicasí paez que’l podium ye enforma favorable a los 3 primeros rankings, los mayestros Iván González “Tomatillo”, Javier Agüera y Enrique Álvarez “Kikín”, campeón esti últimu de la edición cabera.

El polacu Jerzy Mickos Kamiñski parte como cabezaleru, pero tendrá gran competencia col so compañeru d’equipu José Israel Tejera y colos guaḥes que van medrando a diariu como Álvaro Álvarez, Juan Villemur y Alberto Villarroya toos ellos sub-10 y David Roiz ( fiyu de Mayestru David Roiz que xuega en 1ª ), nesti casu sub-12.

Jerzy Mickos Kamiñski ( semeya de Lobochess ).

Comments

1ª división

Puestu	Equipu	Puntos	G-E-P
1u	Universidad de Oviedo	75	11-0-0
2u	R.G.C.C.	63,5	9-1-1
3u	Ciudad Naranco	54,5	8-0-3
4u	Siero	51,5	7-2-2
5u	Oviedo 93	50	6-2-3
6u	Ensidesa	47	6-0-5
7u	Grupo 64	41,5	5-0-6
8u	C.A.O.	33	3-1-7
9u	Mieres del Camino	33	1-4-6
10u	El Entrego	30,5	2-2-7
11u	Torre de Gauzón	27,5	0-1-10
12u	Gradense	21	1-1-9

2ª división

Puestu	Equipu	Puntos	G-E-P
1u	Antonio Rico	65	9-0-2
2u	Pablo Morán	63	11-0-0
3u	Ciudad Naranco “B”	54,5	7-2-2
4u	Alfil	51,5	7-1-3
5u	Oviedo 93 “B”	48	4-2-5
6u	Universidad de Oviedo “B”	47,5	5-1-5
7u	Ateneo Obrero	44,5	6-0-5
8u	Ateneo Obrero 1881	44	5-1-5
9u	R.G.C.C. “B”	35	3-1-7
10u	C.A. de la Habana	33,5	2-1-8
11u	A.O. de Villaviciosa	25,5	1-1-9
12u	Candás	18	1-0-10

3ª división “A”

Puestu	Equipu	Puntos	G-E-P
1u	Al Paso	51	9-0-2
2u	Antonio Rico “B”	45,5	9-1-1
3u	Ateneo Obrero “B”	41	7-2-2
4u	Valdesva “B”	38	6-2-3
5u	Universidad de Oviedo “C”	35	7-0-4
6u	Alfil “B”	35	5-1-5
7u	Oviedo 93 “C”	34,5	5-0-6
8u	Ciudad Naranco “C”	33	4-1-6
9u	La Petrina	29,5	4-1-6
10u	Ateneo Obrero 1881 “B”	22,5	2-1-8
11u	Llanera	22,5	3-1-7
12u	A.O. de Villaviciosa “B”	8,5	1-0-10

3ª división “B”

Puestu	Equipu	Puntos	G-E-P
1u	Ensidesa “B”	45	9-0-2
2u	C.A. de Avilés	44	9-1-1
3u	Siero “B”	44	8-3-0
4u	San Juan Bautista	43,5	9-1-1
5u	Valdesva	41,5	6-1-4
6u	Pablo Morán “B”	30,5	5-0-6
7u	El Entrego “B”	30	2-2-7
8u	Mieres del Camino “B”	29	5-1-5
9u	Torre de Gauzón “B”	26,5	3-2-6
10u	O.N.C.E.	25,5	2-1-8
11u	Alfil “C”	21,5	2-0-9
12u	Candás “B”	14	1-0-10

4ª división

Puestu	Equipu	Puntos	G-E-P
1u	Ensidesa “C”	14	6-0-2
2u	Torre de Llanes	12	5-2-1
3u	Ensidesa “D”	11	5-1-2
4u	Oviedo 93 “D”	11	5-1-2
5u	Siero “C”	11	5-1-2
6u	Grupo 64 “B”	10	3-4-1
7u	Torre de Gauzón “C”	10	5-0-3
8u	Ciudad Naranco “D”	9	4-1-3
9u	R.G.C.C. “D”	9	3-3-2
10u	Ateneo Obrero “D”	9	3-3-2
11u	Mieres del Camino “D”	8	4-0-4
12u	R.G.C.C. “C”	8	4-0-4
13u	C.A.O. “B”	8	4-0-4
14u	C.A. de la Habana “B”	7	3-1-4
15u	Ateneo Obrero “C”	6	2-2-4
16u	Alfil “D”	6	2-2-4
17u	Ochobre	6	2-2-4
18u	Trebejos Sur Gijón	6	3-0-5
19u	Mieres del Camino “C”	6	3-0-5
20u	Ateneo Obrero 1881 “C”	4	1-2-5
21u	R.G.C.C. “E”	3	1-1-6

Semeya del equipu campeón: Universidad de Oviedo

Comments

Blanques: Eloy García, Elo: 1.848 F.E.D.A., Club: Pomba do Arco
Prietes: David Gallinar Cañedo, Elo: 0, Club: Oviedo 93

Xugaes:
1. d4 Cf6
2. c4 e6
3. Cc3 Ab4
4. Ad2 Cc6?!
5. Cf3 b6
6. d5 exd5?!
7. Cxd5?! Axd2+
8. Dxd2 0-0
9. Df4 Cxd5
10. cxd5 Ce7
11. e4 d6
12. Ae2 Cg6
13. Dg3?! Df6
14. 0-0? Dxb2
15. Ad3 f5
16. Taf1 fxe4
17. Axe4 Af5
18. Axf5 Txf5
19. Cg5? Cf4!
20. Dg4 Ce2+
21. Rh1 Txg5
22. Dxg5 Cxc1
23. Txc1 Dxf2
24. h3 Df7
25. Rg1 Tf8
26. Dg3 h6
27. Dd3? Df2+
28. Rh2?? Df4+
RINDE. 0-1.

Posición tres la xugada Nu19 de les blanques ( Cg5? )

1.d4 Cf6, 2.c4 e6, 3.Cc3 Ab4, 4.Ad2 Cc6?!, 5.Cf3 b6

Entamó la partida con una clásica india de dama na qu'opté pela variante con Cc6 en llugar de la teórica con c5.

6.d5 exd5?!, 7.Cxd5?! Axd2+, 8.Dxd2 0-0, 9.Df4 Cxd5, 10.cxd5 Ce7

Les blanques entamen el so avance, pero cometen una imprecisión, yá que 7. cxd5 paez más fuerte, dexando un peón en 5ª y centráu al entamu la partida, agora paez que les prietes consiguieron una posición d'igualdá.

11.e4 d6, 12.Ae2 Cg6, 13.Dg3?! Df6, 14.0-0? Dxb2, 15.Ad3 f5

Esti momentu fo importante nel porvenir de la partida, yá que les blanques optaron por un plan equivocáu cuando teníen posibilidaes meyores, na 11ª xugada ye interesante d6!?, provocando un peón aislláu pa les prietes, inclusive 0-0-0 ye una posibilidá a tener en cuenta, ca l'enroque curtiu nagua entá 3 tiempos pa poder efeutuase.

11.e4 d6, 12.Ae2 Cg6, 13.Dg3?! Df6, 14.0-0? Dxb2, 15.Ad3 f5

Les blanques optaron pol enroque curtiu y dexaron la dama nuna posición pasiva, lo que permitió que les prietes garraran iniciativa al gastar dellos tiempos n'ello, nestos momentos les prietes ganen el peón de b2, lo que-yos dexa de cara la partida dende esi mesmu momentu.

16.Taf1 fxe4, 17.Axe4 Af5, 18.Axf5 Txf5, 19.Cg5? Cf4!, 20.Dg4 Ce2+

Nesta secuencia xugaes, les prietes llograron ventaya decisiva tres la xugada 19 del blancu Cg5?, que tenía idea de ponelo n'e6 y tomar el peón de c7 cola torre, amenazando dempués al peón f7, pero nun val yá que con Cf4! son les blanques les que pierden cola amenaza múltiple que'l caballu plantea.

21.Rh1 Txg5, 22.Dxg5 Cxc1, 23.Txc1 Dxf2, 24.h3 Df7, 25.Rg1 Tf8

Tres perder otru peón les blanques pudieron consiguir daqué contraxuegu con 24.De7, inda la ventaya prieta ye palpable, podría recuperase un peón d'esti mou.

26.Dg3 h6, 27.Dd3? Df2+, 28.Rh2?? Df4+ RINDE.

Les blanques apuraes de tiempu y derrotaes nel tableru rindiéronse tres un error que permitió un xaque con doblete.

Comments

Comments